قراية لبلاد وقراية النصارى‎

الداخلة الرأي:سعيد لعبيديفي إحدى مقاهي مدينة الداخلة إلتقطت أذان الداخلة الرأي كلاما كثيرا كان عن موضوع التعليم بالوطن… و التعليم بالخارج ليبدأ الحديث رجل في الستينيات من العمر و يبدو منذ النظرة الأولى أنه مسيطر و ذو رأي مسموع لذى الجالسين، قائلا المدراء العاملين للمكاتب الوطنية كَيْخَلْصُو أكثر من من الوزراء وْ صَالِيرْ دْيَالْهُمْ كَيْوْصْلْ حتى 20 مليون بْالْبْرِيمَاتْ ليقاطعه أحد الجالسين مَا يْمْكْنْشْ إِيْكُونْ فَايْتْ الوزير، يبتسم السيتيني قبل أن يجيبه وَا أْسْمْعْ أَوْلْدِي المدراء كَيْقْرَاوْ فْالْخَارِجْ و الوزراء أَوْلْدِي أغلبهم قَارِي غِيرْ هْنَا فَالْمَغْرِبْ، نْعْطِيكْ مثال الأفارقة لِي كَيْقْرَاوْ عْنْدْنَا فَالْمَغْرِبْ كَيْمْشِوْ لْبْلَادْهُمْ كَيْشْدُو بْلَايْصْ مْسُوكْرَا و نْزِيدْكْ أْنْتَا بَايْنْ لِيَا مَا عَارْفْ وَالُو شْتِي أَيَامَاتْ الإستعمار الفرنسي و الإسباني كَانُوا الخونة مْقَوْلْبِينْ المقاومين و الحركة الوطنية من خلال إطلاق إشاعة لِي مْشَا يْقْرَا عْنْدْ النْصَارَى كافر وْ يْكْلْسُوا الوطنيين وْ هُمَا يْصِفْطُوا أوْلَادْهُمْ يَقْرَاوْ بْرَا، وْ أنا بْغِيتْ أْوْلَادِي يْتْكَوْنُوا بْرَا.ليقاطعه مجالس له في الطاولة أنا لا أتفق معك الناس أْلِي قْرَاتْ فَالْمَغْرِبْ هي لِي شَادَا البلاد و نْزِيدْكْ لِي مَا دْوْزْ الحياة الجامعية المغربية مَا غَادِيشْ يْكُونْ رَاجْلْ وْ مَا يْقْدْرْشْ يْسْتَمِرْ و لا يْنْجْحْ في حْيَاتُو وْ أْنْتَا مْأْثْرْ عْلِيكْ الفكر دْيَالْ الغرب السلبي وَاشْ نْتَا نْسِيتِي بْلِي الحضارة الغربية طْلْقَاتْ على أقلام كتاب و فلاسفة و علماء مغاربة و على أكتاف المسلمين عموما و النْصَارَى يجيدون اللصق مع الزْوَاقْ دْيَالْ MADE IN وْ حْشُومَا هَادْشِي نْسْمْعُو مْنْكْ و بْلَادْنَا إلى مَاقْرِينَا فِيهَا أْوْلَادْنَا مَا دْرْنَا وَالُو وْ أَصْلَا هَادْ الفكرة دْيَالْ ثقافة الشهادات ما غَادِي تْوْصْلْنَا فِينْ.لينطلق الصياح و الضجيج و حفاظا على سلامة آذان الداخلة الرأي تم إغلاقها.



شاهد أيضا
تعليقات الزوار
Loading...